Ndugu wa mume waja na mapya

NA JESSICA KILEO

FAMILIA ya aliyekuwa mzazi mwenzake, Mwandishi wa ITV na Radio One, Ufoo Saro, Anthery Mushi (40), imevunja ukimya na kudai inapata wakati mgumu kuamini kwamba ndugu yao alijiua mwenyewe. 

Imesema suala hilo inaliachia Jeshi la Polisi lishughulikie ili kubaini undani wake.

Kaka wa marehemu, Isaya Mushi alidai hayo jana alipozungumza na waandishi wa habari katika Hospitali ya Taifa Muhimbili (MNH), wawakati mwili wa Mushi, aliyejiua kwa kujipiga risasi na kumuua mama mkwe wake, Anastazia Saro pamoja na kumjeruhi mchumba wake Ufoo, ukiagwa.

Mushi alidai wapo katika wakati mgumu wa kuamini kwamba ndugu yao alijiua mwenyewe, kwani haiwezekani mtu akajipiga risasi sehemu mbili ambazo ni kidevuni na upande wa bega la kushoto.

Alidai sio kazi yao kutoa hukumu, kwani wanasubiri upelelezi wa polisi kutoa jibu lililo sahihi kuhusiana na tukio hilo.

Baada ya kifo cha ndugu yetu, wanafamilia tulifanya uchunguzi wa awali na bado linatuwia vigumu kutambua upi ni ukweli kuhusu jambo hilo kuhusiana na kifo hiki,î alidai.

Kaka huyo alidai katika uchunguzi wa madaktari, walibaini kuwa marehemu alijipiga risasi mbili sehemu tofauti.

Akisoma risala kwa waombelezaji, Mushi alidai marehemu alizaliwa Januari 3, 1973 katika kijiji Uru Ongoma Timbirini wilayani Moshi mkoani Kilimanjaro.

Mushi alisema alisoma Shule ya Msingi Ongoma Timbirini kutoka mwaka 1981 hadi 1987 na alijiunga na Shule ya Sekondari ya Zanzibar na baadaye alisoma kozi mbalimbali, ikiwemo uandishi wa habari.

Alisema mwaka 1994 alijunga na Kituo cha Televisheni cha ITV na mwaka 2002 alikwenda STR na hadi mauti inamkuta alikuwa akifanya kazi Umoja wa Mataifa, Sudan, akiwa mtaalamu wa habari.

Kwa upande wake, dada wa marehemu, Eviolatha Mushi alisema alipokea kwa masikitiko msiba wa mdogo wake kwa sababu alikuwa mtu mwelewa na msikivu katika jamii ambayo wamekulia.

Eviolatha alitoa wito kwa wanandoa kumshirikisha Mungu katika maisha yao na sio mwanadamu, hali itakayosaidia kutatua matatizo wanayopitia kwa kuwa neno la Mungu linasema kila mwanadamu aliyezaliwa na mwanamke lazima atalamba mauti, hivyo hawana budi kukubaliana na neno hilo.

Naye, mdogo wa marehemu, Happy Mushi, alisema hadi sasa hawezi kuamini chochote hadi polisi itakapotoa majibu ya upelelezi .

Alisema Oktoba 9, mwaka huu, marehemu alimpigia simu na kumwambia anamshukuru Mungu, kwani ametoka kufanya kazi katika mazingira magumu, hivyo muda si mrefu anaweza kuhamia Tanzania, na kwamba yupo nchini kwa ajili ya kumalizia nyumba yake ambaye ipo Mbezi, Dar es Salaam.

Lakini cha kushangaza kabla ya wiki alisikia katika vyombo vya habari vikitangaza kaka yake amejiua mwenyewe pamoja na familia ya mke wake,î alisema.

Mwili wa marehemu ulisafirishwa jana kwenda kijijini kwao Ongoma Timbirini na unatarajiwa kuzikwa leo.

Wakati huo huo, Ufoo aliyelazwa Muhimbili hali yake imetengemaa na ameanza kutembea pamoja na kwamba daktari anayemhudumia anakataza watu kuingia kumtazama.

Ofisa wa Habari wa MNH, Aminiel Eliegaisha, alisema jana kuwa, Ufoo anaendelea vizuri na ameanza mazoezi ya kutembea, ingawa bado hawajaanza kuwaruhusu watu kwenda kumtaza kwa sababu ameshonwa sehemu nyingi na kwamba wanahofia kidonda kutokupona haraka.

Tukio hilo la mauaji lilitokea Oktoba 13, mwaka huu, eneo la Kimbamba nyumbani kwa wazazi wa Ufoo, ambapo alikwenda akiwa na mzazi mwenzake Anthery Mushi. Mushi alimuua mama wa Ufoo kwa kumpiga risasi zinazosadikika tano na kumjeruhi kabla ya kujiua mwenyewe.

Wafukuzwa kijijini kwa uchawi, uzinzi

NA MARCO KANANI, CHATO

WANAKIJIJI wanane wakiwemo wanawake watano wa kijiji cha Mwendakulima wilayani hapa mkoani Geita, wamefukuzwa na mwenyekiti wa kijiji hicho baada ya kupigiwa kura ya kuwa wachawi na wazinzi. 

Tukio hilo lilitokea Oktoba mosi, mwaka huu, katika mkutano unaodaiwa kutokuwa wa kisheria ulioitishwa na Mwenyekiti wa Kijiji hicho, Damian Moris akishirikiana na Mtemi wa Sungusungu wa kijiji, Dogita Nzwarile na Katibu wake, Agostine Mbapula.

Viongozi hao wanadaiwa kuendesha mchakato wa upigaji kura kwa watu wanaotuhumiwa kuwa wachawi na wazinzi kijijini hapo.

Ofisa Mtendaji wa Kijiji hicho, Levelian Lwekiga, alithibitisha kufanyika kwa mkutano huo usio halali, na kuongeza licha ya yeye kutohudhuria baada ya kubaini uvunjwaji wa sheria, alitoa taarifa kwa mamlaka husika, lakini hakuna hatua zilizochukuliwa.

"Ni kweli mkutano huo ullifanyika na kitendo cha kuwataja hadharani wananchi kuwa ni wachawi ni kosa la jinai na linahatarisha usalama wao nakuchochea chuki kwa jamii. Mwenyekiti aliitisha mkutano huo kwa maslahi binafsi, kwani hana uwezo huo kisheria na hii ni mara yake ya pili kufanya hivyo," alisema Lwekiga.

Alikiri baada ya kutuhumiwa kutajwa hadharani, waliamriwa na mkutano huo ambao ulihudhuriwa na wanakijiji 60, wakati kijiji kina zaidi wakazi 3,400, hatua inayoashiria kuwepo kwa ajenda ya siri.

Wanakijiji waliokumbwa na mkasa huo ni Petro Mkwavi (80), Ndagalele Petro (40), Agnes Maduvungu (41), Agnes Kisulila (48), Leah Robert (35), Elizabeth Edward (46), Henriko Kisulila na Deus Luchenja, ambaye anatuhumiwa kuwa mzinzi.

Kwa upanda wake, Mwenyekiti wa Kijiji hicho, Damian Morice (CHADEMA), alikiri kuitisha mkutano huo akishirikiana na uongozi wa sungusungu na kwamba, aliombwa kufanya hivyo na wanakijiji licha ya mkutano huo kuhudhuriwa na watu wachache.

Hata hivyo, alidai kuwa mkutano huo ulikuwa halali na sheria haikukiukwa kwa kuwa Ofisi ya Mkuu wa Wilaya na Mkuu wa Polisi Wilayani hapa zilikuwa na taarifa rasmi.

Hata hivyo, Mkuu wa Wilaya, Rodrick Mpogoro ameelezea kusikitishwa na hatua hiyo na kuonya kuwa vitendo hivyo haviwezi kuvumiliwa.

Mkuu wa Polisi wa Wilaya (OCD), Donald Nyahoga akizungumzia tukio hilo kwa njia ya simu, alikana na kuagiza wananakijii walioathiriwa kuripoti ofisini kwake ili hatua ziweze kuchukuliwa, kwani, kitendo hicho ni kosa la jinai licha ya kuhatarisha amani.

DPP amngíangíania Zombe

NA FURAHA OMARY

MAHAKAMA Kuu ya Tanzania, Kanda ya Dar es Salaam, imempa siku 14 kuanzia jana, Mkurugenzi wa Mashitaka (DPP), kuwasilisha hati ya taarifa ya kusudio la kukata rufani dhidi ya aliyekuwa Mkuu wa Upelelezi wa Mkoa wa Dar es Salaam (RCO), Kamishna Msaidizi wa Polisi (ACP), Abdallah Zombe, na  wenzake wanane.

Hatua hiyo, inatokana na Jaji Aloyisius Mujuluzi wa Mahakama hiyo, kukubali ombi la DPP la kuruhusiwa kuwasilisha taarifa hiyo, nje ya muda.

DPP aliwasilisha maombi hayo, baada ya Mahakama ya Rufani Tanzania, kutupilia mbali rufani yake dhidi ya Zombe na wenzake kutokana na kubaini kuwepo kwa kasoro katika hati ya taarifa ya kusudio la kukata rufani.

Akisoma uamuzi huo jana, Jaji Mujuluzi alisema anakubaliana na ombi la DPP la kuwasilisha dukuduku lake Mahakama ya Rufani dhidi ya hukumu iliyotolewa na aliyekuwa Jaji wa Mahakama Kuu, Salum Massati. 

Jaji Mujuluzi alisema rufani ni haki ya kila mdau mbele ya mahakama ikiwemo umma ambao unawakilishwa kupitia ofisi ya DPP.

Alisema hoja iliyopo si kwamba mahakama ilikuwa sahihi au ilikosea katika kufikia uamuzi wake, bali suala lililopo mahakama ilitafsiri msimamo wa kisheria na kufikia uamuzi uliofikiwa.

"Kwa maslahi ya umma wangetaka kuona mahakama ya juu inachambua vipengele vya kisheria vilivyofikia uamuzi ili kuwa na mwelekeo sahihi kwa uamuzi mwingine," alisema.

Pia, alisema katika maslahi yao ya umma si ya kuachiwa au kutoachiwa kwa waleta maombi, bali walitaka kuona haki inatendeka na kuonekana imetendeka machoni mwa watu.

"Mahakama inaruhusu maombi ya kuongezewa muda wa kuwasilisha hati ya taarifa ya kusudio la kukata rufani dhidi ya uamuzi uliotolewa na Jaji mstaafu wa Mahakama Kuu, Massati," alisema na kuongeza kuwa DPP anaongezewa siku 14 kuanzia jana kuwasilisha taarifa hiyo.

Mbali na Zombe, wajibu maombi mengine ni  ASP Christopher Bageni, ASP Ahmed Makelle, Konstebo Jane Andrew, Konstebo Emanuel Mabula, Konstebo Michael Shonza, Koplo Abeneth Salo, Koplo Rajabu Bakari na Koplo Festus Gwabisabi.

Awali, DPP alikata rufani Mahakama ya Rufani, akipinga hukumu ya Mahakama Kuu iliyomwachia huru Zombe na wenzake waliokuwa wakikabiliwa na kesi ya mauaji ya wafanyabiashara wa madini kutoka Mahenge mkoani Morogoro na dereva teski mmoja wa Manzese, Dar es Salaam. 

Mei 8, mwaka huu, Mahakama ya Rufani ilitupilia mbali rufani hiyo kutokana na kubaini kasoro za kisheria ambapo katika hati ya taarifa ya kusudio la kukata rufani waliandika wanapinga hukumu iliyotolewa na Jaji Massati wa Mahakama ya Rufani badala wa jaji wa Mahakama Kuu.

Katika uamuzi wake wa kutupilia mbali rufani hiyo, jopo la majaji watatu wa Mahakama ya Rufani chini ya Jaji Edward Rutakangwa akishirikiana na Bethuel Mmila na Jaji Salum Mbarouk, lilitoa fursa kwa DPP kukata rufani nje ya muda kwa kuzingatia Sheria ya Ukomo wa Muda, kwa kuwasilisha kwanza maombi ya kuruhusiwa kukata rufaa nje ya muda.

UN yaipongeza Tanzania

Na Mohammed Issa

UMOJA wa Mataifa, umeipongeza serikali ya Tanzania kutokana na mchango wake kwenye jumuia za kimataifa.

Pia, umesema Tanzania imekuwa ikitoa ushirikiano mkubwa kwa umoja huo hapa nchini, na kwamba umekuwa ukifanya kazi zake bila ya usumbufu.

Pongezi hizo zilitolewa jana mjini Dar es Salaam na Mratibu wa Shughuli za Umoja huo nchini, Alberic Kacou alipokuwa akizungumzia maadhimisho ya miaka 68 ya UN.

Alisema serikali ya Tanzania inayoongoza na Rais Jakaya Kikwete imekuwa na mchango mkubwa katika jumuia ya kimataifa, hususan kwenye masuala ya ulinzi wa amani.

Kacou alisema maadhimisho hayo yataanza na wiki moja kabla ambayo ilianza jana na kilele chake kitafanyika Oktoba 24, mwaka huu, ambapo Waziri wa Mambo ya Nje na Ushirikiano wa Kimataifa, Bernad Membe atakuwa mgeni rasmi.

Alisema shughuli mbalimbali zinatarajiwa kufanyika katika wiki ya UN, ikiwa ni pamoja na kufanyika kwa mjadala wa wazi utakaofanyika Oktoba 22, mwaka huu, katika ukumbi wa Nkrumah wa Chuo Kikuu cha Dar es Salaam.

Kwa upande wake, Naibu Katibu Mkuu wa Wizara ya Mambo ya Nje na Ushirikiano wa Kimataifa, Balozi Rajabu Gamaha alisema siku ya Umoja wa Mataifa itaadhimishwa katika viwanja vya Karimjee mjini Dar es Salaam, ambapo Waziri Membe atapandisha bendera ya UN.

Alisema wananchi wanaombwa kuhudhuria mjadala wa wazi utakaofanyika Jumanne ijayo katika ukumbi huo.

Akutwa ameuawa mgodini

NA MARCO KANANI, GEITA

MKAZI wa Isabageni wilayani Sengerema, Zakharia Tabaro, amedaiwa kuuawa kwa kupigwa na walinzi wa mgodi wa dhahabu wa Geita kisha kuwekewa jiwe kubwa kifuani.

Tukio hilo lilitokea usiku wa kuamkia juzi, ambapo inadaiwa Tabaro (35) aliingia mgodini humo kwa muda usiojulikana kwa lengo la kuchukua mawe yanayodaiwa kuwa na dhahabu maarufu kama magwangala.

Akizungumza kwa masikitiko, mmoja wa ndugu wa marehemu, Mengi Paulo alisema Tabaro aliondoka Mugusu mjini hapa mwishoni mwa wiki iliyopita bila kufahamika mahali alipokwenda.

Juhudi za kumtafuta zilifanyika bila mafanikio hadi juzi alfajiri, walipopata taarifa kwa baadhi ya wafanyakazi wa mgodi huo kwamba kuna mtu amekufa ndani ya mgodi.

Alisema baada ya taarifa hizo, saa tatu asubuhi, waliingia mgodini humo na kuikuta maiti ya ndugu yao ikiwa na jeraha kubwa usoni linalosadikika kupigwa kwa mawe, huku kifuani akiwa amewekewa jiwe zito.

"Ndugu mwandishi imekuwa ni kawaida yao walinzi wa mgodi kuua watu wanaowakamata ndani ya eneo la mgodi, ni vyema wawakamate na kuwapeleka polisi na si kuwaua," alisema Paulo. 

Ofisa Habari wa Mgodi wa Geita (GGM), Tenga Birri Tenga, alipoulizwa alikanusha mauaji hayo kufanywa na walinzi wa mgodi na kudai kuwa, huenda alipigwa na wachimbaji wake kisha kumtupa eneo la mgodi.

Kaimu Kamanda wa Polisi mkoani hapa, Pundensiana Protas, hakupatikana kutokana na kuwa kwenye mkutano kwa mujibu wa mlinzi wake, ambaye muda wote alikuwa akishikilia simu yake ya kiganjani.

Mwili wa marehemu ulichukulia na polisi kutoka mgodini humo na kupelekwa Hospitali ya Wilaya kwa uchunguzi zaidi.

Kumekuwa na uhusiano usioridhisha baina ya mgodi na wananchi wanaozunguka maeneo ya mgodi, ambapo Ofisa Uhusiano wa GGM, Joseph Mangirima, amekuwa kwenye jitihada za kuimarisha uhusiano kwa kukutana na wananchi na kufanya vikao.

Tanzania, China zatia saini mikataba mitano

Na mwandishi maalum, Beijing, China

Tanzania imetia saini mikataba ya makubaliano mitano ambayo itasadia kutoa fursa za biashara, mafunzo na masuala ya sayansi na teknolojia kwa Watanzania.

Mikataba hiyo imetiwa saini jana mbele ya Waziri Mkuu Mizengo Pinda na Waziri Mkuu wa China, Li Keqiang mara baada ya viongozi hao kufanya mazungumzo rasmi ya kiserikali jijini hapa..

Mikataba hiyo ni ya Ushirikiano baina ya Tanzania na China kwenye masuala ya Sayansi na Teknolojia; Mkataba wa Kuruhusu bidhaa za baharini ziweze kuuzwa China; Mkataba wa Ushirikiano baina ya Tanzania na China kwenye masuala ya Utalii. 

Mingine ni Makubaliano baina ya Tanzania na China ya kuanzisha ukanda wa kisasa wa viwanda vya nguo pamoja na kukuza zao la pamba na wa mwisho ni mkataba wa kutoa vitalu namba 60 na 61 kwa ajili ya ujenzi wa ubalozi wa China jijini Dar es Salaam.

Katika mazungumzo yao, Waziri Mkuu ambaye yuko katika siku ya pili ya ziara ya kikazi ya siku tisa kwa mwaliko wa serikali ya nchi hiyo, alimweleza Waziri Mkuu wa China kwamba, anaishukuru serikali ya nchi hiyo kwa misaada mbalimbali ambayo China imekuwa ikiitoa kwa Tanzania.

Tunaishukuru kwa misaada mbalimbali na mikopo ambayo imekuwa ikitolewa kwa masharti nafuu, ikilinganishwa na mikopo ya kibiashara ambayo hutolewa na nchi nyingine na kawaida ina gharama kubwa kwa Taifa,î alisema Waziri Mkuu kuwaambia waandishi wa habari mara baada ya kumaliza mazungumzo na mwenyeji wake.

Alisema alitumia fursa hiyo kusisitiza uwekezaji kwenye sekta za kilimo, nishati, elimu na miundombinu, hasa reli, bandari na teknohama. 

Kwenye kilimo, Waziri Mkuu alikumbusha suala la upatikanaji wa soko kwa zao la tumbaku, lakini akaomba uwepo umuhimu wa pekee kwa wawekezaji wa viwanda vya kusindika korosho katika mikoa ya kusini.

Katika ziara yangu nitapenda kusisitiza haja ya uwekezaji kwenye zao la korosho... nitazungumza na maofisa wanaohusika ili tuone jinsi ya kulipa msukumo zao hili ambalo lina soko kubwa sana hapa China,î alisema. 

Alimweleza Waziri Mkuu wa China dhamira ya serikali ya Tanzania kulipa deni la dola za Marekani milioni 24.6 ambalo lilitolewa kama mkopo kwa ajili ya kufufua kiwanda cha nguo cha Urafiki.

Tumeahidi kuanza kulipa deni hilo katika mwaka wa fedha 2014/15. Waziri wa Fedha alishaandika barua kwa Serikali ya China tangu Septemba kuonyesha nia ya serikali ya kulipa deni hilo,î alisema Waziri Mkuu.

Leo, Waziri Mkuu atafungua mafunzo ya siku 10 kwa maofisa 20 kutoka idara na taasisi za serikali za nchini yanayoendeshwa kwa pamoja baina ya Chuo cha Uongozi cha China na Taasisi ya Uongozi ya Tanzania.

Aidha, atatembelea kiwanda cha aluminium jijini hapa, atakutana na Bodi ya Tumbaku, Kampuni za Umeme za China Power Investment (CPI) na State Grid Corporation. Pia, atakutana na kampuni ya mafuta ya CNOOC. Jioni atakutana na Watanzania waishio Beijing kwenye ubalozi wa Tanzania nchini China.

Serikali yatoa siku 14 kwa walimu

Na Cecilia Jeremiah

SERIKALI imetoa wiki mbili ikiwataka walimu ambao hawajarejea katika vituo vyao vya kazi ambavyo wamepangiwa kurejea katika vituo hivyo, vinginevyo hatua kali za kisheria zitachukuliwa dhidi yao.

Kauli hiyo ilitolewa jana na Naibu Waziri wa TAMISEMI anayeshughulikia Elimu, Kassim Majaliwa alipozungumza na Uhuru, Dar es Salaam jana.

Alisema baadhi ya walimu ambao wameshindwa kuripoti katika vituo vyao vya kazi ni wale waliopangiwa katika shule za msingi na sekondari katika halmashauri za mikoa mbalimbali nchini.

Majaliwa alishangazwa kusikia kuwepo kwa vitendo vya baadhi ya walimu kutoripoti katika vituo vya kazi kwa ajili ya kwenda kufundisha katika shule walizopangiwa, huku wakijua ni kosa kisheria.

Alisema kuwa serikali imejitahidi kuwalipa posho pamoja na mishahara kwa ajili ya kwenda kufundisha katika shule walizopangiwa.

Pia, aliwapongeza madiwani wa Halmashauri ya Wilaya ya Bumburi, Tanga kwa kuutaka uongozi wa halmashauri hiyo kuwachukulia hatua za kinidhamu walimu watano waliopangiwa kufundisha katika shule za msingi katika wilaya hiyo na kutoripoti na kisha kutoweka taika vituo vyao.

Inadaiwa kuwa walimu hao hawajaripoti katika shule hizo zaidi ya miaka mitatu hadi hivi sasa.

RAIS Jakaya Kikwete akimkaribisha Kiongozi wa Kambi ya Upinzani Bungeni, Freeman Mbowe, Ikulu, mjini Dar es Salaam, jana.  Kushoto ni Mwenyekiti wa NCCR- Mageuzi, James Mbatia na katikati ni Mwenyekiti wa CUF, Professa Ibrahim Lipumba. Rais Kikwete alikutana na viongozi hao na kuzungumza nao.  Picha zaidi uk. 17. (Na Freddy Maro).

JK asaidia yatima na wazee vyakula

NA MAGRETH  KINABO WA MAELEZO
RAIS Jakaya Kikwete, ametoa msaada wa vyakula kwa makundi mbalimbali, yakihusisha wazee na wasiojiweza, watoto yatima na watoto walio katika mkinzano na kisheria kwa ajili ya kusherehekea sikukuu ya Edi El Hajj.
Msaada huo ulitolewa jana kwa niaba ya Rais  Kikwete, na Kaimu Kamishna wa Ustawi wa Jamii, Rabirira Mushi katika hafla fupi iliyofanyika kwenye mahabusu ya watoto Regency, Dar es Salaam kwa vituo na makazi 12 ya makundi hayo yaliyopo nchini unaogharimu sh. milioni 5.5.
ìRais ametoa zawadi ya mbuzi, mchele na mafuta ya kupikia ili kuona kwamba watoto na wazee hawa wanajumuika na wanajamii wengine katika sherehe hii,î alisema Rabirira.
Alivitaja vituo vilipata msaada huo na maeneo vilivyoko kwenye mabano kuwa Kituo cha Watoto Dar  Al Arkam na Nunge (Temeke) na Msongola Orphaned Centre (Ilala).
Vingine ni Furaha (Kinondoni), Mother Theresa (Mburahati), Malaika Kids Home (Mkuranga) na Makazi ya Wazee na Wasiojiweza cha Kilima (Bukoba Vijijini).
Vituo vingine ni Mahabusi ya Watoto (Arusha Mjini), Mahabusi ya Watoto (Tanga Mjini), Makazi ya Wazee Mwanzange (Tanga), Makao ya Watoto Istikama (Pemba) na Makazi ya Wazee Sebuleni(Unguja).
Akizungumzia kuhusu msaada huo kwa niaba ya wenzake, Mwenyekiti wa Kituo cha Msongola Orphaned Trust Fund, Shanta Deus, alimshukuru Rais Kikwete kwa moyo wake wa kujitolea kwa makundi hayo, huku akiwataka watu wengine kuiga mfano.
ìNinawaomba watu wengine, sekta binafsi na kampuni mbalimbali kuiga mfano huu ili kuwasaidia watoto yatima na wanaoshi katika mazingira hatarishi pamoja na makundi maalumu kwa kutoa misaada mbalimbali,” alisisitiza Shanta.
Naye Sista Oliver Paulo ambaye ni mlezi wa makao ya watoto yatima, Kijiji cha Furaha aliishauri jamii iwe na tabia ya kushirikiana na makundi hayo katika sherehe mbalimbali na kuwasaidia.

DC aumizwa shule kukosa madawati

Na Theodos Mgomba, Dodoma
SHULE za sekondari za kata na zile za msingi wilayani Bahi, zinakabiliwa na upungufu mkubwa wa madawati na maabara.
Mkuu wa Wilaya hiyo, Betty Mkwasa alisema hayo alipokuwa akizungumza na wandishi wa habari waliotembelea wilaya hiyo hivi karibuni.
Betty alisema licha ya wilaya hiyo kuwa na vitabu vya kutosha, upungufu huo wa madawati kwa shule za msingi na maabara kwa shule za sekondari ni tatizo kubwa.
Alisema katika shule 20 za sekondari zilizopo wilayani humo, ni shule nane tu ndizo zenye maabara, na kwamba zimekuwa zikifanya kazi.
Alisema hali hiyo imekuwa ikiwavunja moyo wanafunzi ambao wanapenda kusoma masomo ya sayannsi kwani hawama maabara.
Hata hivyo, mkuu huyo alisema kwa upande wa madawati, shule zilizoathirika zaidi na upungufu huo ni zile za msingi.
“Suala la madawati kwa shule zetu za msingi bado ni tatizo, kwani katika shule nyingi za msingi bado kuna idadi kubwa ya wanafunzi ambao wanakaa chini,” alisema Betty.
Mkuu huyo wa wilaya alisema wilaya yake inaendelea na mikakati mbalimbali ya kutatua tatizo hilo la madawati kwa shule za msingi.
Alisema moja ya mikakati ya kuondokana na tatizo hilo ni kuingiza suala la madawati na maabara katika bajeti ya halmashauri ya mwaka huu.
Mkuu huyo alisema kwa kupitia bajeti hiyo, ana uhaki

JK akoshwa na banda la Uhuru

Na Mwandishi Wetu, Iringa
RAIS Jakaya Kikwete, amefurahishwa na kukoshwa na kazi nzuri inayofanywa na Kampuni ya Uhuru Publications Limited (UPL).
Alisema hayo juzi alipotembelea banda la UPL katika kilele cha kuzima mbio za Mwenge wa Uhuru zilizofikia kilele katika uwanja wa Samora mjini Iringa.
UPL ndiyo wachapishaji wa magazeti ya Uhuru, Mzalendo, Uhuru Wikiendi na Burudani.
Akiwa katika banda hilo, Rais Kikwete alisema amefurahishwa na kazi nzuri inayofanywa na UPL, na kwamba ataviunga mkono vyombo vya Chama, kutokana na kazi nzuri ya kuhabarisha, kuelimisha na kuburudisha umma.

Katika sherehe hizo, UPL pamoja na redio Uhuru Fm, walikuwa akionyesha kazi mbalimbali, zikiwemo picha ambazo zilimwonyesha Rais Kikwete katika matukio mbalimbali na hivyo kumvutia zaidi.
Mapema, wakati akiingia kwenye banda hilo na kupokelewa na mmoja wa wahariri, Bakari Mnkondo, Rais Kikwete alisikika akisema; “Hapa ndiyo nyumbani, hongereni sana.”
Pia, alivutiwa na picha za zamani zilizokuwepo, zikiwemo zinazoonyesha enzi za ujana wake.
“Mke wangu (mama Salma) njoo uone nilivyokuwa zamani, nilikuwa bado wamo,” alisema.
Baada ya Mama Salma kuona picha hizo, alionyesha kuzifurahia, huku akisema: “Hadi sasa, bado wamo”.
Viongozi wengine waliopita na kuchukua nakala ya gazeti la Uhuru lililoweka rekodi ya kuchapisha kurasa 136 ni Makamu Mwenyekiti wa CCM (Bara), Philip Mangula na Spika wa Bunge, Anne Makinda.
Gazeti hilo lililochapishwa juzi, lilikuwa toleo maalumu kwa ajili ya kumbukumbu ya miaka 14 ya kifo cha Baba wa Taifa, hayati Mwalimu Julius Nyerere.
Aidha, toleo hilo maalumu lilihusu kilele cha mbio za Mwenge wa Uhuru, ambapo mwaka huu unatimiza miaka 49 tangu ulipoanza kuwashwa mwaka 1964 na Wiki ya Vijana.
Katika sherehe hizo, UPL pamoja na redio Uhuru Fm ilikuwa na banda maalumu lililokuwa na picha za waasisi wa Taifa letu, pamoja na wahariri na watumishi wengine wakielezea shughuli mbalimbali zinazofanywa na vyombo hivyo vya Chama.
Kumbukumbu ya kifo cha Baba wa Taifa, hayati Mwalimu Nyerere, kilele cha mbio za Mwenge wa Uhuru na Wiki ya Vijana zilifikia kilele juzi, kwenye uwanja wa Samora mjini hapa.

JK aweka rehani nafasi za Ma-RC

NA SELINA WILSON
SERIKALI imewatangazia kiama wakuu wa mikoa na wilaya watakaoshindwa kutekeleza agizo la kujenga maabara katika shule za sekondari ifikapo Novemba, mwakani.
Imesema kwa watakaoshindwa watakuwa wamejiweka kwenye mazingira magumu ya nafasi zao.
Rais Jakaya Kikwete alisema hayo jana, wakati akihutubia, maelfu ya wananchi waliofurika katika Uwanja wa Polisi mjini Chalinze wilayani Bagamoyo mkoani Pwani.
Alisema hatokuwa na msalie mtume kwenye agizo hilo ambalo alilitoa mwaka jana, na kuongeza kwa atakeyeshindwa ajue atakuwa kwenye hali ngumu.
ìNataka wakuu wa mikoa na wilaya, mchemke mfanye kila linalowezekana ili kuhakikisha maabara zinajengwa, sitaki kusikia malalamiko, mmepewa kazi chemkeni mambo yaonekane,î alisema.
Alisema ujenzi wa maabara moja ni kati ya sh. milioni 45 hadi 50, na kwamba sekondari zinahitajika maabara mbili hadi tatu.
Aliwataka viongozi hao wasisubiri kukumbusha ahadi za Rais tu, kwani yapo mambo mengine ni maelekezo ya Rais na kwamba watekelezaji ni viongozi hao kwa kushirikiana na halmashauri zao.
Rais Kikwete alisema serikali inaendelea kuboresha sekta ya elimu kwenye maeneo mbalimbali, ikiwemo nyumba za walimu na upatikanaji wa walimu, lakini kwenye maabara maelekezo yalishatolewa, na kwamba kinachotakiwa ni utekelezaji.
“Tumeshazipatia sh. milioni 500 kila halmashauri, ili kujenga nyumba za walimu, ninachotaka fedha hizo zisimamiwe vizuri ili malengo hayo yafikiwe,” alisema.
Kuhusu walimu, alisema kwa mwaka huu walimu 18,000 wataajiriwa kwenye shule za sekondari na wengine 18,000 shule za msingi, kwani lengo ni kuhakikisha sekta ya elimu inakwenda vizuri.
Kabla ya kuanza kuhutubia, Rais Kikwete, alimsimamisha Diwani wa Kata ya Chalinze, Nasser Karama aeleze kero za wananchi wa eneo hilo, ambapo alizitaja kuwa stendi ya mabasi, umeme kwa baadhi ya vijiji ambavyo havipo kwenye mpango wa vijiji 20 na hospitali kubwa.
Akijibu kero hizo, Rais Kikwete alisema serikali yake itashirikiana nao bega kwa bega, ila waanze mchakato wa kutenga maeneo na kuhusu umeme litafanyiwa kazi.
Aliwataka watenge eneo nje ya eneo la makutano ya barabara za Morogoro na ile ya Chalinze/Segera, kwani wanatakiwa kuungalia mji wa Chalinze kwa siku za baadaye na si kwa matumizi ya sasa tu.

Wapinzani wababaishaji-ZANU-PF

Na Hamis Shimye
WATANZANIA wametakiwa kuwa makini na vyama vya upinzani, kwani vingi havina dira wala mwelekeo wa kuwasaidia wananchi, kwani uanzishwaji wake umejaa ubabaishaji.
Mbali na hilo, wana-CCM wameaswa kuhakikisha CCM inaendelea kubaki madarakani kwa kuwa ni chama chenye mtazamo wa kimaendeleo.
Katibu Mkuu wa Chama cha ZANU-PF cha Zimbabwe, Didymus Mutasa, aliyasema hayo jana mjini Dar es Salaam, katika kikao cha Makatibu Wakuu wa Vyama vya Ukombozi Kusini mwa Afrika.
Mutasa alisema vyama vya upinzani si vyama makini, hivyo haviwezi kuwasaidia wananchi kutokana na uanzishwaji wake kuwa wa ubabaishaji na havina mtazamo wa kimaendeleo.
“Afrika hakuna vyama vya upinzani na Watanzania wasikubali kabisa, kwa kuwa vyama hivyo havina mwelekeo kutokana na kutokuwa na mizizi katika uanzishwaji wake tofauti na vyama tawala,” alisema.
Mutasa alisema vyama vingi vya upinzani vimeletwa na nchi za Magharibi ili kunyonya na kupora rasilimali zilizo ndani ya Afrika, hivyo wasikubali kuvipa nafasi.
Aliwaonya Watanzania kutokubali kamwe kuona CCM inaondoka madarakani na kuja chama kingine, kwa kuwa vyama hivyo havitakuwa na uwezo wa kuwaletea maendeleo.
Kwa mujibu wa Mutasa, siri kubwa ya ushindi wa ZANU-PF katika uchaguzi mkuu wa Zimbabwe, uliofanyika hivi karibuni na Rais Robert Mugabe kuibuka mshindi ulitokana na Wazimbabwe kutokubali kuwapa wapinzani nchi kusimamia sera ya uwekezaji.
“Tuna hakika tunapendwa na Wazimbabwe, hasa kutokana na serikali kuwa wazi na kuhakikisha inasimamia rasilimali za nchi na hata kusikiliza vilio vyao. Hivyo, ushindi wetu ni sauti ya Wazimbabwe,” alisisitiza.
Alisema hata kelele kwamba Rais Mugabe ni mzee na mwenye umri mkubwa, hazikufanikiwa, kwani wapinzani walisahau hata Malkia Elizabeth II wa Uingereza ni mzee kuliko hata Zimbabwe yenyewe.
“Malkia ni mzee kuliko Zimbabwe yenyewe na bado ni Malkia wa Uingereza. Hivyo Mugabe ni Rais wetu na bado Wazimbabwe wanampenda,” alisema.
Mapema, akifungua mkutano huo, Katibu Mkuu wa CCM, Abdulrahman Kinana, alisema mkutano huo ni muhimu kwa kuwa unavikutanisha vyama vilivyoleta ukombozi na watautumia kujadili masuala mbalimbali muhimu.
Alisema kila chama kitakuwa na ajenda yake katika mkutano huo, ambapo ajenda kuu itakuwa vijana, hasa kutokana na changamoto kadhaa zinazowakabili.
Mkutano huo wa siku moja, ulimalizika jana kwa viongozi hao kufikia maazimio mbalimbali, ikiwa ni sehemu ya kuamsha serikali zao kuboresha maisha ya wananchi katika nchi hizo.
Mbali ya CCM na ZANU-PF, vyama vingine ambavyo vilishiriki mkutano huo ni MPLA ya Angola, Frelimo ya Msumbiji, ANC ya Afrika Kusini, SWAPO ya Namibia na Chama rafiki cha Kikomunisti cha China (CPC).

Mfanyabaishara Arusha amwagiwa tindikali

NA LILIAN JOEL, ARUSHA
MFANYABIASHARA Japhet Minja (30), amelazwa katika Hospitali ya Selian mjini hapa, baada ya kumwagiwa tindikali usoni na watu wasiojulikana.
Minja alipatwa na mkasa huo jana, saa 12.15 asubuhi, eneo la Shamsi, wakati akitoka nyumbani kwake kwenda kazini.
Akizungumzia tukio hilo ambalo limezua taharuki kubwa jijini hapa, mmoja wa ndugu wa Minja ambaye hakutaka jina lake liandikwe gazetini, alisema Japhet alipatwa mkasa huo akiwa ndani ya gari lake katika eneo hilo.
ìMinja alipofika eneo la Shamsi alikutana na vijana wanne wakiwa wamesimama kando ya barabara wakamsimamisha kama vile watu waliokuwa wakiomba msaada... baada ya ndugu yangu kusimama na kushusha kioo cha gari upande wake, ghafla watu hao wakafungua mlango kwa nguvu na kumtoa ndani ya gari na kumpiga kisha kumwagia tindikali usoni,î alisema.
Alisema baada ya Minja kumwagiwa tindikali, wasamaria wema waliokuwa wanasubiri daladala katika eneo hilo walimchukua na kumpeleka katika Hospitali ya Rufani ya Selian, huku vijana hao wakikimbilia kusikojulikana.
Baada ya tukio hilo, waandishi wa habari walifika  hospitalini hapo kumwona Minja, lakini uongozi wa hospitali uligoma kuzungumzia chochote kwa madai kuwa, hali ya mgonjwa ni mbaya na amelazwa katika Chumba cha Uangalizi Maalumu (ICU).
Kamanda wa Polisi wa Mkoa, Liberatus Sabas alithibitisha kutokea kwa tukio hilo, na kwamba polisi inaendelea na uchunguzi kuhusiana na shambulio hilo.
Kwa mujibu wa Sabas, uso wa Minja umeathirika kiasi, lakini pia alingíatwa kidole cha mkono wa kulia na watu hao waliomshambulia.

Dk. Salim awavaa mafisadi

Na Neema Mwangomo
WAZIRI Mkuu mstaafu, Dk. Salim Ahmed Salim amesema vitendo vya rushwa, ufisadi na malumbano vinavyofanywa na baadhi ya viongozi nchini vinatokana na kushuka kwa maadili.
Dk. Salim aliyasema hayo jijini Dar es Salaam, alipohojiwa kuhusiana na maadhimisho ya miaka 14 tangu kifo cha Baba wa Taifa, Mwalimu Julius Nyerere.
Alisema kushuka kwa maadili miongoni mwa jamii ni chanzo kikubwa cha baadhi viongozi kusahau wajibu wao wa kulijenga taifa lililoasisiwa na Mwalimu Nyerere, ambaye uongozi wake ulizingatia misingi ya maadili bila kuangalia dini, rangi wala kabila.
ìNi muhimu kufahamu na kuthamini mchango wa Mwalimu. Angefufuka leo, jambo lingelomshangaza na kumuudhi ni rushwa, ufisadi, udini, tofauti za kikabila na utaifa...
“Pia, angeshangazwa na maendeleo ya nchi kutokana na juhudi kubwa zinazofanyika katika kuhakikisha maendeleo yanakua,î alisema.
Kwa mujibu wa Dk. Salim, baadhi ya viongozi nchini wamekuwa hawafuati misingi ya Baba wa Taifa na wengine kufikia hatua ya kulumbana kwa kutoleana maneno makali hata ndani ya Bunge, na kuonya kuwa hali hiyo isipodhibitiwa nchi itapotea.
Alisema anasikitishwa na vitendo hivyo, kwani demokrasia si fujo na Bunge ni mahali patakatifu, hivyo wabunge hawana budi kupaheshimu na
kulumbana kwa nguvu ya hoja na si vinginevyo.
Dk. Salim ambaye ni Mjumbe wa Tume ya Mabadiliko ya Katiba, aliwataka wanasiasa nchini kuondoa tofauti zao ili kupata katiba bora, kwani katiba itakayopatikana ni ya Watanzania wote.
Alisema ili katiba bora ipatikane kuna haja ya kuwepo kwa maridhiano kwa watu wote na si kuufanya mchakato huo kuwa wa kisiasa.

Dk. Salim awavaa mafisadi

Na Neema Mwangomo
WAZIRI Mkuu mstaafu, Dk. Salim Ahmed Salim amesema vitendo vya rushwa, ufisadi na malumbano vinavyofanywa na baadhi ya viongozi nchini vinatokana na kushuka kwa maadili.
Dk. Salim aliyasema hayo jijini Dar es Salaam, alipohojiwa kuhusiana na maadhimisho ya miaka 14 tangu kifo cha Baba wa Taifa, Mwalimu Julius Nyerere.
Alisema kushuka kwa maadili miongoni mwa jamii ni chanzo kikubwa cha baadhi viongozi kusahau wajibu wao wa kulijenga taifa lililoasisiwa na Mwalimu Nyerere, ambaye uongozi wake ulizingatia misingi ya maadili bila kuangalia dini, rangi wala kabila.
ìNi muhimu kufahamu na kuthamini mchango wa Mwalimu. Angefufuka leo, jambo lingelomshangaza na kumuudhi ni rushwa, ufisadi, udini, tofauti za kikabila na utaifa...
“Pia, angeshangazwa na maendeleo ya nchi kutokana na juhudi kubwa zinazofanyika katika kuhakikisha maendeleo yanakua,î alisema.
Kwa mujibu wa Dk. Salim, baadhi ya viongozi nchini wamekuwa hawafuati misingi ya Baba wa Taifa na wengine kufikia hatua ya kulumbana kwa kutoleana maneno makali hata ndani ya Bunge, na kuonya kuwa hali hiyo isipodhibitiwa nchi itapotea.
Alisema anasikitishwa na vitendo hivyo, kwani demokrasia si fujo na Bunge ni mahali patakatifu, hivyo wabunge hawana budi kupaheshimu na
kulumbana kwa nguvu ya hoja na si vinginevyo.
Dk. Salim ambaye ni Mjumbe wa Tume ya Mabadiliko ya Katiba, aliwataka wanasiasa nchini kuondoa tofauti zao ili kupata katiba bora, kwani katiba itakayopatikana ni ya Watanzania wote.
Alisema ili katiba bora ipatikane kuna haja ya kuwepo kwa maridhiano kwa watu wote na si kuufanya mchakato huo kuwa wa kisiasa.

JK ashtukia ahadi za kuchomekewa

SELINA WILSON NA MWAMVUA MWINYI, KIBAHA
RAIS Jakaya Kikwete ameagiza viongozi wa mkoa wa Pwani kumaliza tatizo la kiutendaji linalosababisha kuzorota kwa  utoaji wa huduma za afya katika Hospitali ya Rufani ya Tumbi mjini hapa, hivyo kusababisha kero katika kituo cha afya Mkoani.
Tatizo hilo linasababisha wagonjwa kurundikana katika Kituo cha Afya Mkoani, huku Hospitali ya Tumbi ikibaki bila wagonjwa na badala kuhudumia wanaopata ajali katika barabara kuu za Morogoro na Chalinze/Segera.

Amesema hali hiyo inasababishwa na utata baina ya viongozi ambao wapo kwenye giza la madai kuwa Hospitali ya Tumbi ni ya Shirika la Elimu Kibaha (KEC), hivyo aliagiza kuanzia sasa washughulikie tatizo hilo na kutoa huduma kwa wananchi.
Rais Kikwete alisema hayo jana mjini hapa katika siku ya tano ya ziara yake mkoani Pwani, ambapo aliwashukia watendaji wa mkoa, wilaya na KEC kwamba ndio chanzo cha kuyumbisha juhudi za serikali za kuboresha huduma za afya.
Hatua hiyo ya Rais Kikwete ilitokana na Mbunge wa Jimbo la Kibaha Mjini, Sylvestry Koka kueleza ukweli wa tatizo la sekta ya afya, hususan wananchi kunyimwa huduma katika Hospitali ya Tumbi kwa madai ni hospitali ya rufani.
Hali hiyo imekuwa ikisababisha msongamano mkubwa katika vituo vya afya, huku wagonjwa wengi, hususan wajawazito wakilala watatu kitanda kimoja na wengine chini.
Kutokana na hilo, Rais Kikwete aliwataka viongozi wote kuelekeza jitihada za kujenga hospitali ya wilaya, na kwamba kuwa hospitali ya mkoa ndio ile ya Tumbi na kwenye hilo hakuna mjadala, kwani shirika ni mali ya serikali.
‘’Niliwahi kusikia mnatembeza bakuli, mkatumia Mzee Ali Hassan Mwinyi, mliniomba mchango nikakataa kutoa na leo ndio nawaeleza sababu, kwamba serikali ina utaratibu wake na haiwezi kujenga hospitali ya mkoa kwa kutembeza bakuli,
“Hospitali za mkoa zinajengwa kwa fedha za serikali kuu, nyie viongozi mlijichanganya wenyewe kutokana na fikra kwamba tumbi ni hospitali ya Shirika la Elimu Kibaha, ndio maana mmeshindwa kupata fedha za kujenga hospitali ya mkoa,’’ alisema.
Aliwataka viongozi hao kuhakikisha wanaweka nguvu zao katika kutatua tatizo la upungufu wa vifaa katika Hospitali ya Tumbi na kujenga hospitali ya wilaya ili kuhakikisha wananchi wanapata huduma bora.
Awali, Mganga Mkuu wa Halmashauri ya Mji wa Kibaha, Dk. Issa Kaniki alisema bado kuna changamoto kubwa katika Hospitali ya Tumbi, ambapo zinahitajika sh. bilioni 11 kwa ajili ya ununuzi wa vifaa vya upasuaji mkubwa na  mapokezi, hususan sehemu ya kuhudumia majeruhi wa ajali za barabarani.
Wakati huo huo, Rais Kikwete aliwashtukia watendaji wa  wilaya ya Kibaha kwa kumchomekea ahadi  ambazo hajazitoa wakati wa kampeni za uchaguzi, ambapo alisema kila alichoahidi anakijiua na zingine ni za ilani ambazo zina utaratibu wake.
“Hizi ahadi zingine jamani mnanichomekea si zangu, hivi kweli mimi niliahidi barabara ya lami Makofia/Mlandizi hadi Vikumburu Kisarawe na  Kwa Mathias/Msangani, hizo sikuahidi, lakini zipo kwenye Ilani ya Uchagauzi ya CCM, zina mipango yake,” alisema.
Katika ziara yake mjini hapa, Rais Kikwete aliweka jiwe la msingi ujenzi wa kiwanda cha kuzalisha dawa za kuua mazalia ya mbu kinachoendelea kujengwa katika mtaa wa Machinjioni, kilichojengwa na serikali ya Tanzania kwa kutumia teknolojia ya Cuba, ambacho ujenzi wake unagharimu sh. bilioni tano.
Alisema shabaha ya kujenga kiwanda hicho ni kutokomeza malaria na kuokoa maisha ya Watanzania na hilo litawezekana baada ya kukamilika kwa kiwanda hicho kitakachoanza kazi Desemba, mwaka huu.
Kabla ya kuzungumza na wananchi kwenye mkutano wa hadhara Mlandizi, Rais Kikwete aliweka jiwe la msingi la jengo la Halmashauri ya Mji Kibaha, ambapo katika awamu ya kwanza linagharimu sh. bilioni 5.2. ambapo kwa sasa vyumba 42 vimekamilika.

Ujenzi chuo Ihemi wapamba moto

NA FRANK KIBIKI, IRINGA

MAKATIBU wakuu wa vyama vitano vilivyopigania uhuru katika nchi za Kusini mwa Afrika, na Chama cha Kikomunisti cha China (CPC), wamefanya ziara katika eneo la Chuo cha Uongozi cha Vijana wa CCM Ihemi mkoani hapa.

Ziara hiyo ni mkakati wa kuanza ujenzi wa chuo hicho kwa  pamoja cha kisiasa.

Vyama hivyo ni  MPLA cha Angola, Frelimo cha Msumbuji, SWAPO Namibia, ZANU- PF Zimbabwe, ANC Afrika Kusini na CPC cha China na wenyeji Chama Cha Mapinduzi (CCM).

Akizungumza wakati akiwatembeza viongozi wa vyama hivyo, Katibu wa Halmashauri Kuu ya CCM (NEC), Itikadi na Uenzi, Nape Nnauye alisema lengo la ziara hiyo ni kutekeleza maagizo ya vikao vya vyama hivyo katika kuhakikisha ujenzi wa chuo hicho unaanza mara moja.

Nape alisema tayari zimetengwa hekta 1,830 kwa ajili ya ujenzi wa chuo hicho cha kisiasa chenye lengo la kuwanoa makada wa vyama hivyo, ili viendelee kushika madaraka kwenye nchi zao na kuenzi fikra za waasisi wa vyama hivyo.

“Sababu za kuchagua eneo la Ihemi kwa ajili ya ujenzi wa chuo hiki cha kisiasa ni kuenzi historia ya wapigania uhuru wa Afrika Kusini na Angola, ambao waliishi eneo la Kihesa-Mgagano, mkoani hapa kujiandaa kukomboa nchi zao,” alisema Nnauye.

Mbali na sababu hiyo, alisema eneo hilo lipo mbali na makazi ya watu, na kwamba limetulia, hivyo linafaa kuwa chuo cha kiitikadi kwa makada wa vyama hivyo.

Alifafanua kuwa, wamegawa eneo la Ihemi kwa makundi mawili, likiwemo lile ambalo vijana wa vyama hivyo watajenga chuo chao kwa ajili ya kujinoa ili baadaye waje kuwa viongozi bora.

“Chuo hicho kitahudumia vyama rafiki vilivyopigania uhuru katika nchi za Kusini mwa Afrika, na tumeanza mkakati mkubwa wa ujenzi ndio maana baada ya maazimio ya Mkutano Mkuu wa CCM Taifa, leo tumekuja hapa tukiambatana na Balozi wa China,” alisena Nnauye

Pia, alisema chuo hicho kitatoa elimu ya  uongozi na kitasaidia katika masuala ya ujasiriamali ambayo yatawawezesha vijana kuweza  kujiajiri badala ya kutegemea kuajiriwa.

Katibu Mkuu wa SWAPO nchini Namibia, Nangolo Mbumba alisema kuwa, wameridhishwa na eneo hilo la Ihemi, na kwamba litakisaidia chama chao katika kuendelea kuwapata viongozi walionolewa kiitikadi na kisiasa.

Mbumba ambaye pia aliwahi kuishi eneo la Kihesa - Mgagao, alisema Tanzania ina kila sababu ya kujivunia ujenzi wa chuo hicho, ikiwa ni njia ya kumuenzi Mwalimu Julius Nyerere, ambaye alivisaidia vyama vyao kujikomboa kutoka kwa wanyonyaji.

Naye, Ofisa Habari wa Chama cha MPLA, alisema wana imani kwamba, ujenzi wa chuo hicho utaendelea kutunza kumbukumbu kwa vizazi vijavyo jinsi waasisi walivyoweza kupigania uhuru wan chi zao.

Naye, Mkurugenzi Msaidizi wa Kitengo cha Uhusiano wa Afrika wa Kamati Kuu ya CPC, ambacho kinashiriki katika ujenzi wa chuo hicho, Zhong alisema serikali ya China  imekusudia kushirikiana na vyama hivyo katika kufufua  chuo  cha Ihemi kwa kufanya ukarabati mkubwa na kujenga majengo mapya.

Kwa upande wake, Mjumbe wa Kamati Kuu ya Chama cha SWAPO, Jekero Tweya alisema baada ya kutembelea chuo hicho, makatibu wakuu watakutana kwa lengo la kuona namna gani wanaweza kuanza ujenzi huo mara moja.

Hivi karibuni, Balozi wa China,  Youqng alisema pamoja na majengo mengi, nchi hiyo imedhamiria kujenga hosteli za wageni na kusaidia kutunza baianuwai ya eneo hilo ambayo itakuwa kivutio cha wageni na sehemu ya utalii kwa watu watakaotembelea mkoani hapa.

Katibu Mwenezi wa CCM Mkoa, Yahaya Msigwa alisema kuwa chuo hicho cha uongozi cha siasa cha Ihemi, kilikuwa maarufu wakati wa uongozi wa Mwalimu Nyerere kutokana na kutoa mafunzo kwa vijana na kwamba kitakuwa msaada mkubwa kwa Chama baada ya kukamilika.

Aliongeza kuwa ujenzi na ukarabati wa chuo hicho, unarudisha hadhi yake kwa kupika viongozi vijana ambao, watapata uzoefu kutoka nchi za Kusini mwa Afrika.

Mzee Mwinyi afichua siri ya uongozi wake

Na Hamis Shimye
RAIS mstaafu wa Awamu ya Pili, Alhaji Ali Hassan Mwinyi, amempongeza Rais Jakaya Kikwete kwa kuthubutu kuwapeleka mahakamani viongozi wa serikali yake wanaotuhumiwa kwa makosa mbalimbali, ikiwemo matumuzi mabaya ya madaraka.
Hata hivyo, amesema anashangazwa na ukimya wa vyombo vya sheria katika kuchukua uamuzi dhidi ya watu hao.
Aidha, amesema changamoto zinazojitokeza katika Muungano hivi sasa, zinapaswa kujadiliwa na kutafutiwa ufumbuzi.
Mzee Mwinyi alisema hayo jana, alipohojiwa na gazeti hili kuhusu mambo mbalimbali yanayoendelea nchini, ambapo alisema Rais Kikwete amefanya kazi kubwa, ambayo awali ilikuwa ngumu kutekelezeka.
Alisema huko nyuma ofisa wa serikali akipelekwa mahakamani ni kashfa kubwa na ikitokea, huondolewa kazini bila kufanywa chochote.
“Rais Kikwete anastahili pongezi. Uadilifu ni jambo muhimu, lakini awali lilikuwa gumu, hasa pale anapotokea ofisa wa serikali kafanya ubadhirifu, utafuatwa Ikulu na kuambiwa mheshimiwa kuna hili na kuelezwa, lakini ni aibu kwa serikali ukichukua uamuzi,” alisema.
Alisema katika utawala wa awamu ya nne, mambo hayo hakuna na ameshuhudia viongozi wengi wakipanda kizimbani kwa tuhuma zinazowakabili.
Hata hivyo, alisema anashangazwa na vyombo vya sheria kushindwa kuchukua uamuzi wa haraka, hasa baada ya Rais Kikwete kuwa mstari wa mbele katika mapambano hayo.
“Haiwezekani mtu anachukua miaka sita hukumu haijatolewa, hii inarudisha nyuma ari ya mapambano na hayataweza kwisha, hasa wakati ambapo Rais Kikwete hataki kupelekewa majina Ikulu ya watu wasio waadilifu na badala yake watu hao wapelekwe mahakamani,” alisema.
Alisema kuchukuliwa hatua kwa watu hao, kutasaidia kumaliza tatizo la watumishi kutokuwa waadilifu, hasa kwenye fedha za umma.
MUUNGANO HAUPASWI KUVUNJWA
Alisema mambo mengi yanasemwa kuhusu Muungano, ambapo baadhi wamekuwa wakishauri uvunjwe, wengine wakitaka muundo wa serikali tatu na wengine wakitaka kuendelea kwa utaratibu wa serikali mbili.
“Binafsi napenda Muungano udumu kwa kuwa ni mapinduzi na umoja katika kusaka maendeleo. Nakumbuka kipindi cha nyuma kabla ya Muungano, Mwalimu Julius Nyerere alituambia mambo mengi, ikiwa ni pamoja na umuhimu wa Muungano,” alisema.
Alisema Mwalimu Nyerere alikuwa anatamani Muungano kwa kuwa aliamini ni umoja na ni nguzo muhimu kwa uchumi imara. Nchi nyingi zimeshindwa kufanya hivyo, wakati Tanzania na Zanzibar zimefikisha miaka 50.
Kwa mujibu wa Mzee Mwinyi, kabla ya kuungana na Zanzibar, Mwalimu akiambatana na aliyekuwa Rais wa Uganda wakati huo, Milton Obote alikwenda Kenya, na kumuomba Rais Jomo Kenyatta kutaka kuungana.
“Katika watu 100 lazima mtatofautina kwa kuwa kufanya hivyo si kosa, bali kinachohitajika ni ustahimilivu na kuvumiliana. Uitishwe mjadala watu wazungumze ili mambo yamalizwe na Muungano uendelee.
Alisema nchi za nje wanaungana katika mifumo tofauti kwa lengo la kuimarisha umoja na hakuna tatizo.
G55 LAMPA MTIHANI
Mzee Mwinyi ambaye alikuwa madarakani kuanzia mwaka 1984 hadi 1995, anasema miongoni mwa mambo yaliyompa wakati mgumu na kumwudhi ni muungano wa kundi la wabunge lililojulikana kama G55.
“Ulikuwa ni mtihani mkubwa sana kwangu, ila nashukuru tuliumaliza vyema pamoja na kumuomba Mwalimu Nyerere katika suala hilo ambalo ugumu wake ulitokana na watu waliokuwa katika kundi hilo kuwa wabunge... hawa hawakuwa wananchi wa kawaida,” alisema.
Alisema ilikuwa vigumu kuchukua hatua za moja kwa moja dhidi ya kundi hilo kwa kuwa liliundwa na wabunge, hivyo ulihitajika umakini mkubwa wakati wa kushughulikia tatizo hilo.
G55 ni kundi la wabunge wa CCM waliokuwa wakiongozwa na aliyekuwa Mbunge wa Lupa, Njelu Kasaka, ambao walitaka kupeleka hoja binafsi bungeni wakitaka kuanzishwa kwa serikali ya Tanganyika na kushauri Muungano wa Tanganyika na Zanzibar uvunjwe.
ZIMBABWE, INDIA
ZILITUKOPESHA FEDHA
Mzee Mwinyi alisema wakati anaingia madarakani aliikuta nchi ikiwa katika hali ngumu kiuchumi, kwa kuwa HAZINA (Wizara ya Fedha) haikuwa na fedha, serikali ikikabiliwa na matatizo katika ulipaji mishahara wa wafanyakazi.
“Wakati huo ndio tulikuwa tumetoka katika vita vya Kagera na ilikuwa lazima tupambane na kuikomboa nchi. Nilipoingia nikakumbana na mambo hayo, ikiwemo vikwazo vilivyotokana na sera zetu za kiuchumi,” alisema.
Alisema nchi nyingi zilikataa kuisaidia Tanzania kutokana na sera zake, na kwamba ilibidi kumtumia Rais mstaafu wa awamu ya tatu, Benjamin Mkapa kwenda kwa Rais Robert Mugabe wa Zimbabwe kukopa fedha pamoja na Waziri Mkuu mstaafu Dk. Salim Ahmed Salim kwenda India.
“Naweza kusema hizi zilikuwa kama ‘kishika uchumba’, kwani nilipata dola milioni 100, kwa Mzee Mugabe pamoja na Dk. Salim kwenda India kuomba dola milioni 100 zingine, ambazo zote tulilipa na hata kuisaidia nchi kufanya mambo mbalimbali,” alisema.
Alisema fedha hizo zilisaidia mambo mengi na hata kuiwezesha taifa kufanya mambo mengi, ikiwemo kuimarisha shughuli za kiuchumi na maendeleo, huku wananchi kufanya mambo yao bila matatizo yeyote.

Mgomo watikisa

NA KHADIJA MUSSA
MGOMO wa madereva na wamiliki wa mabasi uliodumu kwa saa tatu, ulisababisha hali kuwa tete katika Kituo Kikuu cha Mabasi ya Mikoani na Nchi Jirani cha Ubungo.
Mgomo huo ulioanza alfajiri, ulisababisha abiria kuwa katika wakati mgumu baada ya madereva kuruhusu abiria kupanda tayari kwa safari, kisha wenyewe kwenda kujificha mahali pasipojulikana.
Hata hivyo, kilichowakera zaidi abiria ni hatua ya wamiliki kukatisha tiketi kwa abiria ilhali wanafahamu kuwa wanaingia kwenye mgomo.
Kutokana na hatua hiyo, serikali iliwaonya wamiliki wa mabasi watakaoendelea na mgomo kuwa itafuta leseni za usafirishaji.
Abiria walilaani kitendo cha wamiliki na wafanyakazi wa mabasi hayo, jambo waliloliita kuwa uhuni na unyanyasaji mkubwa.
Waliitaka serikali kuhakikisha inachukua hatua kali kwa wamiliki na madereva waliogoma kwa uhuni huo, ambao haukubaliki.
Abiria hao ambao wengi walifika kituoni hapo kuanzia saa 11.00 alfajiri, walijikuta wakitelekezwa ndani ya magari hadi saa 2.48 asubuhi, baada ya serikali kutangaza onyo hilo.
Hatua hiyo ilikuja baada ya Kamanda wa Kikosi cha Usalama Barabarani, Mohammed Mpinga kutishia kufuta leseni kwa wamiliki wa mabasi na madereva watakaokaidi amri ya kusitisha mgomo.
Mgomo huo unafuatia ule wa malori ulioanza wiki iliyopita wakigomea ongezeko la tozo la asilimia tano katika vituo vya mizani.
Kufuatia mgomo huo, baadhi ya madereva wa teksi waliamua kufanya safari za mikoani, ambapo kutoka Dar es Salaam kwenda Moshi mkoani Kilimanjaro ilikuwa kati ya sh. 300,000 hadi 500,000.
Kamanda Mpinga alilazimika kutoa agizo hilo baada ya mgomo uliofanywa na wamiliki wa mabasi ya mikoani kugomea magari yao kupimwa katika vituo vya mizao.
ìKwa kuwa wameingia mkataba wa kusafirisha abiria na tayari wameshachukua fedha za wananchi, wana wajibu wa kisheria wa kuwasafirisha, bila kufanya hivyo watakuwa wamevunja sheria,î alisema.
Kamanda Mpinga aliyasema hayo jana alipokuwa akizungumza na waandishi wa habari kituoni na kuongeza wamewasiliana na Mamlaka ya Usafiri wa Nchi Kavu na Majini (SUMATRA), kuorodhesha mabasi yatakayoendelea na mgomo ili yafutiwe leseni.
Pia, Kamanda Mpinga alitumia fursa hiyo kuwataka madereva walio njiani kuegesha magari yao pembeni ili kupisha wengine waendelee na safari.
Akizungumzia kuhusu suala la upimaji wa mabasi hayo katika vituo vya mizani, alisema suala hilo litashughulikiwa na mamlaka husika, nao kuwaomba madereva hao kuendesha kwa umakini.
Naye, Mkurugenzi wa Barabara wa SUMATRA, Gield Ngewe alisema kitendo cha kukataa kutoa huduma ni kinyume cha taratibu za leseni, hivyo aliwataka kutoa huduma kabla ya kushushiwa rungu.
Kwa upande wake, Naibu Katibu Mkuu wa TABOA, Severin Ngallo alisema walikubaliana mabasi yote yaendelee kutoa huduma ila yasipime uzito katika vituo vya mizani.
Pia, aliwaomba abiria kutokata tiketi kwa ajili ya safari hadi hapo watakapotangaziwa, kwa kuwa bado wanaendelea na mazungumzo na serikali kuhusu maombi yao ya kutopima mabasi katika vituo vya mizani.
ìTatizo wanadhani tunafanya biashara ya kubeba mizigo, sisi tunabeba abiria tu, hivyo tunaomba serikali iondoe tozo hilo ya asilimia tano pamoja na upimaji, kwani katika nchi nyingine ambazo tunatoa huduma utaratibu huo haupo,î alisema.
Alisema iwapo serikali haitakubaliana nao kuhusu kuondoa utaratibu wa mabasi kupima uzito katika vituo vya mizani wataendelea kugoma.
Baadhi ya abiria waliokuwa wasafiri jana,  walisema kitendo kilichofanywa na baadhi ya madereva na wamiliki wa mabasi hayo si cha kiungwana.
Walisema kuwa hakukuwa na sababu za kukatisha tiketi wakati walijua kuwa walikuwa na mgomo, kwani ni bora wangefunga ofisi ili kuepusha usumbufu kwa abiria.
ìHuu ni uhuni na wizi... kwa nini wanaendelea kukatisha tiketi wakati wanafahamu kuwa wapo katika mgomo, ni lazima serikali ichukue hatua dhidi ya wote waliosababisha usumbufu huu,î alisema Alex Cosmas aliyekuwa akielekea Njombe.
Abiria walifika kituoni hapo alfajiri tayari kwa safari za kwenda mikoani, walikuwa hawajaondoka, kwani hadi saa 2.25 asubuhi, kulikuwa hakuna gari lolote lilitoka kituoni hapo, licha ya kuruhusiwa kupanda mabasi na kisha madereva kutokomea.
Ilipofika saa 2.45 asubuhi, Kamanda Mpinga aliwatangazia abiria kuingia katika mabasi waliyokata tiketi na kuwataka madereva wote kuanza safari mara moja.
Juzi, Waziri wa Ujenzi, Dk. John Magufuli, alisema kinachofanywa na wizara yake ni kufuata sheria, na kwamba anayetaka kupinga, hana budi kupeleka malalamiko yake bungeni ili sheria iliyopo ibadilishwe, na si kwa kuandika barua wizarani kwake.
Kwa mujibu wa Waziri huyo, ili sheria iweze kubadilishwa ni lazima bunge liridhie kubadilisha sheria hiyo na sio kwenye makaratasi.
“Sheria iliyopo inaruhusu mtu kuja kukata rufani kwa Waziri wa Ujenzi... kama ameona sheria iliyopo haifai na kama hakuridhika na uamuzi utakaotolewa anatakiwa aende mahakamani,” alisema Dk. Magufuli.

Bilal aagiza wezi wakamatwe

NA RODRICK MAKUNDI, HAI

MAKAMU wa Rais, Dk. Mohammed Gharib Billal, ameagiza watu waliohusika na wizi wa fedha za kuwalipa fidia wananchi kwenye maeneo ilikopita miradi ya umeme wakamatwe na kuchukuliwa hatua.

Dk. Billal alitoa agizo hilo kwa Mkuu wa Mkoa wa Kilimanjaro, Leonidas Gama, wakati akiwa kwenye ziara ya siku kuzindua miradi ya kupokea na kusambaza umeme.

Alisema watu hao wamefanya wizi wa sh. milioni 167, hivyo alisisitiza kwamba serikali haiwezi kuwavumilia, kwani wanazifanya nchi wahisani kukata tamaa ya kuisaidia Tanzania.

Makamu wa Rais, alisema moja ya vigezo vya wahisani walioonyesha nia ya kushirikiana na Tanzania kwenye utekelezaji wa miradi mbalimbali ni usimamizi mzuri wa fedha, hivyo lazima serikali iendelee kulinda uaminifu huo.

Alisema nchi kama Japan ni wahisani wakubwa wa Tanzania katika kutekeleza miradi ya umeme kupitia misaada inayoendelea kuitoa kwa taifa hili.

Awali, Gama alisema kwenye utekelezaji wa mpango wa ulipaji fidia, wako baadhi ya watu waliolipwa fedha hizo, ambao hawakustahili kulipwa.

Hata hivyo, alisema licha ya dosari iliyojitokeza miradi inayoendelea kutekelezwa itaimarisha ukuaji wa uchumi wa wananchi kuongeza uwezo na uhakika wa upatikanaji wa umeme.

Kwa upande wake, Balozi wa Japan nchini, Masaki Okada, alitoa wito kwa Tanzania kuandaa mipango ya muda mrefu ya matumizi ya aina mbalimbali ya nishati zilizopo.

Alisema nishati ya joto ya ardhi ni sehemu mojawapo inayoweza kukidhi mahitaji ya ongezeko la matumizi ya umeme nchini.

Naye, Waziri wa Nishati na Madini, Profesa Sospeter Muhongo alisema miradi mitano ya kupokea na kusambaza umeme katika mkoa wa Kilimanjaro imetekelezwa kwa gharama ya sh. bilioni 44.

Aliitaja miradi iliyotekelezwa ni pamoja na Kiyungi, Lawate, Himo, KCMC na Makuyuni, na kuongeza kuwa ifikapo mwaka 2015, Tanzania itakuwa na uwezo wa kuzalisha umeme unaotosheleza mahitaji na kiasi kingine kuuzwa nje ya nchi.

Iringa yaanza kufurika

Na Tumaini Msowoya, Iringa

MKUU wa Mkoa, Dk. Christine Ishengoma, amewaonya wafanyabiashara kutopandisha bei za bidhaa, ikiwemo vyakula pamoja na nyumba za kulala wageni wakati wa Maadhimisho ya Kumbukumbu ya Baba wa Taifa, Hayati Mwalimu Julius Nyerere.

Mbali na maadhimisho hayo, mkoa utakuwa mwenyeji wa Kilele cha Mbio za Mwenge wa Uhuru na Wiki ya Vijana, ambayo tayari imeshaanza.

Kutokana na sherehe hizo za kitaifa, mkoa  unatarajiwa kuwa na ugeni mkubwa, ambapo baadhi ya wafanyabiashara wameanza kutumia fursa hiyo kwa kuboresha huduma mbalimbali, huku wengine wasio waaminifu wakijaribu kuongeza bei kwa lengo la kupata faida maradufu.

Kauli ya Dk. Christine imekuja kutokana na utafiti kuonyesha kuwa, hali ya maisha mkoani hapa imeanza kupanda, huku bidhaa mbalimbali zikipanda bei kwa kasi na kuwafanya wenyeji kuwa kwenye wakati mgumu tofauti na walivyozoea.

Katika uchunguzi wake, Uhuru imebaini kuongezeka kwa bei za vyumba katika nyumba za kulala wageni katika baadhi ya maeneo tofauti na zile za siku chache zilizopita.

Uchunguzi huo umebaini, chumba kilichokuwa kikilipiwa sh. 20,000 sasa kimepanda hadi kufikia sh. 40,000, huku vile vya sh. 30,000 vikipanda hadi sh. 50,000 na vile vya sh. 10,000 vikipanda hadi kufikia 20,000 na 25,000.

Kutokana na hali hiyo, Dk. Christine alisema mkoa umeunda kamati maalumu kwa ajili ya kushughulikia malazi ili kuepusha upandaji holela wa bei hizo, jambo ambalo ni sawa na utapeli.

ìTumegundua watu wameanza kupandisha vitu holela, nyumba za kulala wageni zimeanza kupangishwa kwa bei kubwa kuliko kawaida, jambo hili si sahihi na halitavumiliwa, na atakayebainika atachukuliwa hatua kali kisheria,î alisema.

Mkuu huyo wa mkoa amewataka wamiliki wa nyumba za kulala wageni kuhakikisha nyumba zao zinakuwa na usalama wa kutosha.

Alisema kamati ya ulinzi na usalama ya mkoa huo umejipanga kuhakikisha kuwa wageni watakaoingia wanaishi kwa usalama hadi wanapoondoka.

Aliwataka wakazi wa mkoa huo kuwa wakarimu na kuwasaidia wageni watakaokuwa mkoani hapa kwa kipindi chote.

Wakizungumza kwa nyakati tofauti, baadhi ya wafanyakazi wa nyumba za kulala wageni walisema bei za vyumba zimepanda kutokana na wingi wa wageni wanaotarajia kuwasili kuanzia leo.

ìTumeagizwa tupandishe bei za vyumba zaidi ya kukubali hatuna ujanja, mgeni akija mwenyeji anapona,î alisema mmoja wa wahudumu wa nyumba ya kulala wageni iliyopo eneo la Makorongoni mjini hapa.

Mgambo wapigwa, wanusurika kifo

NA DUSTAN  NDUNGURU, MBINGA.

MGAMBO wanne na ofisa mtendaji wa kijiji cha Lipilipili wamenusurika kufa baada ya kushambuliwa na wananchi wakiwa kwenye majukumu yao ya kazi.

Vurugu hizo zilitokea juzi wilayani hapa na kudumu kwa saa tano, baada ya mgambo na ofisa huyo kufika kijijini hapo kwa ajili ya kuhudhuria kikao cha kamati ya maendeleo ya kata hiyo.

Akizungumza na waandishi wa habari jana ,ofisa mtendaji wa kata ya Mpepai, Ansila Kumburu, alisema kikao cha kamati hiyo kilichokutana katika kijiji cha Luhangai, Septemba 27, mwaka huu, kiliamua wananchi waliokataa kuchangia shughuli za ujenzi wa maabara na bweni katika Shule ya Sekondari Dk. Ali Mohammed Sheni, wakamatwe na kuchangia sh. 25,000 kila mmoja.

Alisema kikao hicho kilikuwa chini ya mwenyekiti wake ambaye ni diwani wa kata hiyo, Francis Nchimbi, na kwamba aliamua kuleta mgambo ili kusaidia kuwasaka waliokataa kuchangia miradi ya maendeleo.

Kwa mujibu wa Kumburu, Septemba 30, mwaka huu, mgambo hao kwa kushirikiana na maofisa watendaji wa vijiji vya kata ya Mpepai, walianza kutekeleza agizo hilo kwa kupita kila kaya na kukusanya michango.

Alisema juzi katika kijiji cha Mtukula, mgambo tisa wakiwa na ofisa mtendaji wa kijiji hicho, Petro Mayowa, walishambuliwa na wananchi.

Kumburu alisema katika vurugu hizo, Mayowa na mgambo hao walishambuliwa sehemu mbalimbali kwa kutumia silaha za jadi.

Alisema baada ya tukio hilo, wananchi walimchukua Mayowa na kumpeleka ofisini kwake na kumfungia ndani akiwa anavuja damu nyingi kichwani.

Kumburu aliwataja baadhi ya mgambo waliojeruhiwa katika tukio hilo kuwa Loy Mbunda, Joseph Alli, Kanisius Ngonyani, Agnes Mwilafi na walipatiwa matibabu katika hospitali ya wilaya ya Mbinga.

Mganga Mfawidhi wa Hospitali hiyo, Robert Elisha, alithibitisha kupokea majeruhi hao, ambao hata hivyo walipatiwa matibabu na kuruhusiwa.

Kamanda wa Polisi mkoani Ruvuma, Deusdedit Nsimeki alisema watu wanane wanashikiliwa wakihusika na vurugu hizo.

Alisema watuhumiwa hao ni Bonventure Kapinga, John Nchimbi, Kondrad Haule, Wilson Kapinga, Thomas Kapinga, Maiko Kapinga, Zackaria Ndunguru na Amos Ndunguru.

Nsimeki alisema katika vurugu hizo, wanakijiji hao walitumia mapanga, magongo na fimbo za mianzi kuwashambulia mgambo hao.

Vijana na tatizo la ajira

MOHAMMED ISSA

WIZARA ya Kazi na Ajira, imesema tatizo la ajira kwa vijana ni kubwa na serikali inapaswa kuweka miundombinu mizuri.

Imesema takwimu zinaonyesha kuwa, kila mwaka watu milioni moja huingia kwenye soko la ajira, ambapo kati ya hao 40,000 ndio wanaoajiriwa serikalini kila mwaka.

Akizungumza na waandishi wa habari katika Ukumbi wa Idara ya Habari (MAELEZO) mjini Dar es Salaam, jana, Mchumi Mwandamizi wa Wizara hiyo, Geofrey Mashafi alisema ili kumaliza tatizo hilo, lazima Sera ya Ajira ya Mwaka 2008 isimamiwe ipasavyo.

Alisema sera hiyo itaziwezesha sekta binafsi kutoa ajira kwa wingi, hasa vijana wengi kuajiriwa na sekta hiyo na hivyo kumaliza tatizo hilo.

Mashafi alisema taifa linakabiliwa na changamoto kubwa ya ajira kwa vijana, hivyo juhudi mbalimbali zichukuliwa kumaliza tatizo hilo.

Kwa upande wake, Mkuu wa Kitengo cha Mawasiliano Serikalini wa Wizara hiyo, Ridhiwani Wema alisema sekta za viwanda na kampuni za ulinzi binafsi zinaongoza kwa malalamiko ya wafanyakazi.

Alisema wafanyakazi wa sekta hizo, wanazilalamikia kutokana na kupata maslahi madogo wanayolipwa na waajiri wao.

Makuti yaua mtoto

NA JUMANNE GUDE

WATU wawili wamekufa jijini Dar es Salaam katika matukio tofauti, likiwemo la mwanafunzi wa chekechekea Abdallah Ally aliyenaswa na makuti ya mnazi shingoni.

Kamanda wa Polisi Mkoa Kinondoni, Camilius Wambura alisema tukio hilo lilitokea juzi, saa 10.20 jioni, maeneo ya Mwananyamala Bwawani.

Wambura alisema Ally na watoto wenzake walikuwa wanacheza, ambapo inasadikiwa alipanda juu ya matairi yaliochimbiwa chini ya mnazi kwa lengo la kubembea.

Alisema wakati anabembea, ghafla alinaswa na makuti shingoni ambayo yalikuwa yamefungwa kwenye mnazi na kumsababishia kifo.

Aidha, Wambura alisema maiti imehifadhiwa katika Hospitali ya Mwananyamala, huku upelelezi unaendelea.

Katika tukio lingine, Salum Malegera amekufa baada ya kuanguka ghafla, maeneo ya Tandika Maguruwe, wilayani Temeke.

Kamanda wa Polisi Mkoa Temeke, Englebert Kiondo alithibitisha kutokea kwa tukio hilo, juzi, saa 3.45 asubuhi, katika eneo hilo ambapo, Malegera alianguka na kufariki papo hapo.

Walimu 529 wafutwa kazi

NA SELINA WILSON
WALIMU 529 wamefutwa kazi kwa sababu za utoro, katika kipindi cha miaka mitatu kuanzia mwaka 2010 hadi Juni mwaka huu.
Ofisi ya Rais, Tume ya Utumishi wa Umma, ilisema idadi hiyo ni kati ya walimu 669 waliokuwa wanakabiliwa na kesi za utoro wa kuanzia siku tano na kuendelea.
Mkuu wa Kitengo cha Maadili na Nidhamu, Christina Hape, alisema hayo jana, mjini Dar es Salaam,wakati akijibu swali la mwandishi wa habari hii, kuhusu hatua zilizochukuliwa na tume hiyo dhidi ya walimu wanaotoroka katika vituo vya kazi.
Christina alisema tatizo la utoro ni kubwa, na kwamba limekuwa likishughulikiwa katika ngazi za halmashauri kwa utoro wa chini ya siku tano, lakini kuanzia siku tano na kuendelea, idara yake ndio inayoshughulikia.
Alisema hatua ya kuwatimua walimu hao imechukuliwa kwa mujibu wa kanuni ya 57 ya utumishi wa umma, ambayo inaitaja adhabu ya kufukuzwa kazi kwa mtumishi anayetoroka kituo cha kazi kuanzia siku tano.
Akifafanua kuhusu tatizo la utoro kwa mwaka, alisema mwaka 2010/11, tume ilipokea mashauri 260 ya walimu watoro, 2011/12 mashauri 152 na mwaka 2012/13 kulikuwa na mashauri 257, ambapo jumla ni 669.
Christina alisema katika mashauri hayo, 529 iliamriwa wafukuzwe na mashauri ya walimu 140  bado yanaendelea kufanyika kazi.
Alisema katika ngazi ya wilaya, walimu 1,128 walipewa adhabu mbalimbali kutokana na makosa ya utoro usiozidi siku tano.
Kuhusu kesi za walimu wanaojihusisha na mapenzi  na wanafunzi, Christina alisema, tume ilishughulikia walimu 84, ambapo mwaka 2008/09 walimu 40, 2009/10 walimu 20, mwaka 2010/11 walimu 17 na mwaka 2011/12 walimu 11, na kwamba baadhi yao wameonywa na wengine kufukuzwa kazi.
Hata hivyo, Mwanasheria wa Tume hiyo , Redemta Senga, alisema kumekuwa na changamoto kubwa katika kushughulikia mashauri hayo kutokana na kukosa ushahidi.
“Baadhi ya watuhumiwa wamekuwa wakishirikiana na walalamikaji kupoteza ushahidi, wakati mwingine wanafunzi kupewa vitisho au wazazi kumaliza kesi kienyeji na hivyo kukwamisha utoaji wa adhabu,” alisema na kuongeza kuwa wanasisitiza kesi za namna hiyo zifikishwe polisi.
Awali, akizungumza na waandishi wa habari, Naibu Katibu Mkuu, Ofisi ya Rais, Tume ya Utumishi wa Umma, Edwin Mikongoti, alisema  serikali imekasimu madaraka kwa wakuu wa shule na walimu wakuu kuhusu usimamizi wa utumishi wa walimu ili kuongeza ufanisi.
Mikongoti alisema tume ina dhamana  ya kuhakikisha waajiri, mamlaka za ajira na nidhamu zinatekeleza mamlaka waliyopewa ya usimamizi na uendeshaji wa rasilimali watu kwa kuzingatia sheria, kanuni na taratibu za utumishi ili kuimarisha utawala bora na uwajibikaji.
Alisema wakuu wa vyuo vya ualimu, vyuo vya maendeleo ya jamii, wakuu wa shule na walimu wakuu wanatakiwa kuwajibika katika kuwaeliemisha walimu kuhusu utaratibu wa masuala ya ajira katika maeneo ya ajira na usajili.
Pia, watashughulikia makosa madogo ya kinidhamu na kutoa adhabu, na madaraka hayo yamekasimiwa kwa makosa ambayo kama yakithibitika adhabu zake kwa mujibu wa kanuni namba 118, ya utumishi wa umma ya 2003, itakuwa ni kusimamisha nyongeza ya mshahara, kufidia hasara na karipio.
Mwaka jana, serikali ilisajili walimu wapya 11,000, lakini kumekuwa na tatizo walimu kuripoti na kutoroka katika vituo vyao vya kazi, huku wengi wao wakikimbia vijijini na kusaka uhamisho kwenda mijini.

Sheikh Ponda agonga mwamba

Na Latifa Ganzel, Morogoro
MAHAKAMA ya Hakimu Mkazi Mkoa, imetupilia mbali ombi la Katibu wa Jumuia na Taasisi za Kiislam, Sheikh Ponda Issa, la kutaka kufutiwa shitaka moja ya mashitaka yanayomkabili.
Wakati Hakimu Mkazi Mfawidhi wa Mahakama hiyo, Richard Kabate, akitoa uamuzi huo, Sheikh Ponda, aliwakana mawakili wawili kati ya watatu waliojitokeza kumtetea.
Hakimu Kabate alitupilia mbali maombi yaliyowasilishwa Septemba 17, mwaka huu na Wakili Juma Nassoro, aliyekuwa akimwakilisha Sheikh Ponda, ya kuomba mahakama kufuta shitaka la kukiuka amri iliyotolewa na Mahakama ya Hakimu Mkazi Kisutu, iliyomtaka ndani ya mwaka mmoja awe anahubiri amani.
Katika maombi yake, Nassoro alitaka shitaka hilo lifutwe au lirudishwe Mahakama ya Kisutu, Dar es Salaam ilipotolewa hukumu.
Akitoa uamuzi huo, Hakimu Kabate alisema mshitakiwa anadaiwa kutenda makosa katika eneo la Kiwanja cha Ndege mjini hapa, hivyo hawezi kushitakiwa Dar es Salaam.
Baada ya kutolewa kwa uamuzi huo, jana Sheikh Ponda ambaye alikuwa akiwakilishwa na Wakili Yahaya Njama kwa niaba ya Nassoro, aliwakana mawakili wawili. Mawakili hao ni Ignas Punge na Bathlomeo Tarimo.
Hali hiyo ya kuwakana ilikuja baada ya mawakili wote, akiwemo Nasoro kutofika mahakamani wakati kesi yake ikisilizwa na kuwakilishwa na Wakili Njama aliyekuwa akimtetea katika kesi ya awali katika Mahakama ya Kisutu.
Awali, Wakili Njama, alidai anamwakilisha Wakili Nasoro kwa kuwa yuko nchini India akipatiwa matibabu ya macho na atarejea nchini baada ya afya yake kutengemaa katika kipindi cha mwezi mmoja.
Hali ya kukanwa kwa mawakili hao, ilijitokeza wakati wa kupangwa kwa tarehe ya usikilizwaji wa shauri hilo Novemba 7, mwaka huu, ambapo Wakili wa Serikali, Benard Kongola, aliutaka upande wa utetezi kutokuwa na kikwazo cha tarehe kwa kuwa kutambua mshitakiwa anatetewa na mawakili Punge, Tarimo na Nasoro.
Baada ya Kongola kudai hayo, wakili Njama alidai hawatambui mawakili wengine zaidi ya Nasoro ambaye alimwagiza amwakilishe kwenye kesi hiyo.
Alipowasikiliza hoja za pande zote husika, Hakimu Kabate alitoa barua ya wakili Tarimo, ambaye aliomba udhuru wa kutofika mahakamani kwa siku hiyo.
Hakimu Kabate alisema yeye anawatambua mawakili hao kwa kuwa wamekuwa wakishiriki mwenendo wa kesi hiyo, na tayari kuna kumbukumbu za maandishi mahakamani hapo, na kwamba iwapo wamejitoa walitakiwa kutoa taarifa kwa maandishi.
Kutokana na hilo, Wakili Njama aliomba mahakama iwape muda na kwamba watalishughulikia suala hilo na kupeleka taarifa sahihi mahakamani.
Mshitakiwa alirudishwa rumande hadi Novemba 7, mwaka huu, kesi hiyo itakapoanza kusikilizwa.  Oktoba 15, mwaka huu, kesi itatajwa bila mshitakiwa kufika mahakamani.
Sheikh Ponda anakabiliwa na mashitaka matatu, yakiwemo ya uchochezi na la kukiuka amri ya Mahakama ya Kisutu.
Anadaiwa kutenda makosa hayo Agosti 10, mwaka huu, katika eneo la Kiwanja cha Ndege mjini hapa. Mshitakiwa huyo anadaiwa kuwaambia Waislamu kwamba:
ìNdugu Waislamu msikubali uundwaji wa kamati za ulinzi na usalama za misikiti, kwani kamati hizo zimeundwa na BAKWATA ambao ni vibaraka wa CCM na serikali, na kama watajitokeza kwenu watu hao na wakajitambulisha kwamba wao ni kamati za ulinzi  na usalama za misikiti, fungeni milango na madirisha ya msikiti yenu na muwapige sana.î
Inadaiwa kauli iliumiza imani za watu, pia ni kinyume cha agizo la Mahakama  ya Kisutu, Dar es Salaam, lililotolewa na Hakimu Mkazi Victoria Nongwa, Mei 9, mwaka huu, ambayo ilimtaka ndani ya mwaka kuhubiri amani.
Shitaka la pili, Sheikh Ponda anadaiwa kutoa maneno yenye nia ya kuumiza imani za dini nyingine kwa kuwaambia Waislamu kwamba:
“Serikali ilipeleka jeshi Mtwara kushughulikia suala la vurugu iliyotokana na gesi kwa kuwaua, kuwabaka, na kuwatesa wananchi kwa sababu asilimia 90 ya wakazi wake ni Waislamu, lakini serikali haikufanya hivyo kwa wananchi wa Loliondo walipokataa Mwarabu asipatiwe kipande cha ardhi ya uwindaji baada ya kudai ni mali yao kwa sababu asilimia 90 ya wakazi wake ni Wakristo.”

Japan yatoa msaada wa mbolea

RACHEL KYALA
MATUMIZI ya mbolea yatasaidia jitihada za serikali katika mpango wa kuleta tija kwenye sekta ya kilimo nchini.
Sekta hiyo huchangia asilimia 15 ya pato la taifa.
Waziri wa Kilimo, Chakula na Ushirika, Injinia Christopher Chiza, aliyasema hayo jana jijini Dar es Salaam, alipokuwa akipokea msaada wa mbolea kutoka serikali ya Japan.
Alisema mbolea hiyo itasambazwa kwa wakulima, hususan wale wa kipato cha chini kwa bei nafuu, ili kupunguza umaskini na kuboresha usalama wa chakula nchini.
“Hapo awali tulipokea misaada mingi ya mchele toka serikali ya Japan, lakini tuliona ni bora watuwezeshe kwenye kilimo cha mpunga ili kuepuka kuomba msaada mara kwa mara,’’ alisema Chiza.
Waziri Chiza, alisema msaada uliotolewa  ni wa mbolea aina ya DAP tani 6,003 yenye tahamani ya sh. bilioni 16.7.
Aliahidi kuwa itatumiwa vizuri ili kufikia malengo ya matokeo makubwa sasa (BRN).
Pia, Waziri huyo aliishukuru serikali ya Japan kwa kuisaidia Tanzania kuimarisha  kilimo cha umwagiliaji, ambapo Mei, Mwaka huu, ilikabidhi msaada wa takribani sh. bilioni 54 ili kukiboresha .
Akikabidhi msaada huo, Balozi wa Japan nchini, Masaki Okada, alisema lengo kuu ni kusaidia kuongeza uzalishaji wa chakula kwa wakulima wa kipato cha chini nchini, na kuongeza usalama wa chakula na kupunguza umasikini.
“Tumekusudia pia kuendeleza mradi wa kilimo cha mpunga huko Mpiji, pamoja na kuongeza tija katika kilimo cha umwagiliaji na kuboresha miundombinu yake,’’ alisema.
Okada, alisema lengo la serikali yao kutoa misaada ya mara kwa mara kwa Tanzania ni kudumisha uhusiano kati ya nchi mbili hizi.

Wakurugenzi mtegoni

Na Mwandishi Wetu
MAKAMU wa Rais, Dk. Mohammed Ghalib Bilal, amewaagiza wakurugenzi wa majiji, miji na halmashauri za wilaya nchini kuhakikisha wanateua waratibu watakaohusika kusimamia upatikanaji wa huduma za afya kwa wazee bila ya kuwepo kwa vikwazo vya aina yeyote ile kwa jamii hiyo.
Wakati Dk. Bilal akitoa maagizo hayo, Naibu Waziri wa TAMISEMI Agrey Mwanry amesema hadi mwishoni mwa Oktoba, mwaka huu, halmashauri zote zitakazokuwa hazijakamilisha utaratibu wa vitambulisho utakaowawezesha wazee kupata huduma za afya kwa uhakika wakurugenzi wake watawajibishwa.
Ujumbe huo ulitoka kwa viongozi hao juzi, walipokuwa kwenye kilele cha siku ya maadhimisho ya siku ya wazee duniani ambayo kitaifa ilifanyika wilayani Korogwe ambapo mgeni rasmi alikuwa Dk. Bilal ambaye alisema kwamba serikali inatambua changamoto za wazee, huku hatua kadhaa zikiwa zimeanza kuzichukua.
Katika kuthibitisha hilo, Dk. Bilal alisema tayari serikali imeviagiza vituo vyote vya afya kuhakikisha vinatenga madirisha maalumu kwa ajili ya kuwahudumia wazee kwa madai kuwa, kada hiyo inapaswa kuheshimiwa kutokana na mchango wake kuwa muhimu katika maendeleo ya nchi ambapo hatua za makusudi zitachukuliwa kuwaimarishia usalama.
Kutokana na hali hiyo Dk. Bilal alisema, halmashauri za wilaya,miji na majiji wakurugenzi wake wanahitajika kuharakisha maandalizi ya vitambulisho vya wazee vitakavyowarahisishia upatikanaji wa afya kwa uhakika njia ambayo itawawezesha kuwa na afya bora, huku akiwahimiza watendaji hao kutafuta waratibu wa mpango huo.
“Serikali inathamini mchango wa wazee katika maendeleo nchini, hivyo katika afya nawaagiza wakurugenzi wa majiji, miji na halmashauri kuhakikisha watateua waratibu watakaosimamia upatikanaji wa huduma za afya kwa wazee bila ya kuwepo kwa kikwazo cha aina yoyote, Comrade Mwanri ameshasema atapita kule,” alisema Dk. Bilal.
Licha ya Dk. Bilal kuhimiza umuhimu wa mazingira ya upatikanaji wa afya kuboreshwa kwa kada ya wazee, hususan uwepo wa dirisha maalumu la kuihudumia kada hiyo, pia alisema watu wote wanawajibika kuona kuwa wazee wanakuwa naamani, wanaishi maisha bora na kuheshimika mambo ambayo yanapaswa kuasisiwa na jamii nzima.
Aidha, alitilia msisitizo umuhimu wa kuwakemea watu wote wenye nia mbaya ya kueneza chuki ili kuweza kujipatia maslahi binafsi, akisema kuwa watu wa aina hiyo lazima waeleweke kuwa hawana nia njema na Taifa hili ila lengo lao kuu ni kuhatarisha ama kuvunja umoja wa Tanzania vitendo ambavyo havitavumiliwa kujitokeza.
Alisema serikali itaendelea kupambana na vitendo vyote vyenye kuashiria kuvunjika kwa hali ya usalama na amani, hasa kwa kada ya wazee ambapo amevikumbusha vyombo vya ulinzi na usalama kuhakikisha vinatekeleza wajibu wao ipasavyo ili kudhibiti vitendo ambavyo vinahatarisha usalama nchini Tanzania.
Naye Naibu Waziri wa Wizara ya Afya na Ustawi wa Jamii, Dk. Seif Rashid, alisema serikali itahakikisha kwamba katika bunge lijalo inajitahidi kuangalia uwezekano wa kuwasilisha hoja ya sheria za wazee hatua ambayo itawezesha kada hiyo kupata mahitaji yake pasipo kutegemea mashinikizo ya viongozi, jambo ambalo alisema lilikuwa lijadiliwe kipindi kilichopita.
Mkuu wa Mkoa wa Tanga, Luteni Mstaafu Chiku Gallawa akizungumza kabla ya Makamu wa Rais kuzungumza na wazee wa maeneo mbalimbali nchini, aliwataka wahusika kuwa wa kwanza kutoa taarifa kuhusu uwepo wa watu wanaojihusiaha na vitendo vinavyohatarisha usalama, hususan utaratibu wa baadhi ya waganga wa jadi kupiga ramli.

Waandamana kwa kukosa mikopo

NA JUMANNE GUDE
BAADHI ya wanafunzi waliokosa mikopo ya elimu ya juu, wameandamana hadi Wizara ya Elimu na Mafunzo ya Ufundi, kujua hatima yao.
Mikopo hiyo hutolewa na Bodi ya Mikopo ya Elimu ya Juu (HESLB).
Wanafunzi hao walieezea kilio chao baada ya kukosa mikopo, licha ya kutimiza masharti.
Baada ya kuhoji sababu za kunyimwa mikopo, hawakupewa majibu na badala yake walipigwa danadana.
Wanafunzi hao, walidai kuwa wameamua kuandamana kwa sababu wao ni yatima na na wengi wao wamechaguliwa katika fani za sayansi na elimu, ambao kimsingi, wanahaki ya kupewa mikopo.
Mmoja wa wanafunzi hao aliyejitambulisha kwa jina moja la Frank, alisema wanataka kuonana na Waziri wa Elimu na Mafunzo ya Ufundi, Dk. Shukuru Kawambwa, ili kujua hatima yao.
“Tuliuenda bodi ya mikopo, lakini hawakutusikiliza, ndio maana tuko hapa wizarani ili kujua hatima yetu.
“Tulistahili kupata mikopo na endapo bajeti haikutosha, tungeelezwa,” alisema Frank.
Hata hivyo, hawakuweza kumona waziri na badala yake, Mkuu wa Kitengo cha Mawasiliano cha wizara hiyo, Ntambi Bunyazu, alisema Wizara imewasikiliza na kuwarudisha bodi ya mikopo ili suala lao likapatiwe ufumbuzi huko.
“Kila mtu amekuja na tatizo lake, tumezungumza nao na tumewaambia warudi bodi ya mikopo, suala lao litashughulikiwa huko ili kila mtu apate haki,” alisema.
Bunyazu, alisema bodi ya mikopo itawaelekeza namna ya utoaji mikopo na sababu za kupewa au kutopewa na endapo hawataridhika, wana haki ya kukata rufani.